Google ADS

Komuna e Deçanit furnizon QKMF-në me pajisje mbrojtëse ndaj coronavirusit

13:12 | 6 Prill 2020
Arbresh.info

Komuna e Deçanit, deri në këto momente vazhdon të mbetet e pa prekur nga coronavirusi, sa i përket infektimit të qytetarëve nga ky virus.

Deri më tash në këtë komunë nuk ka asnjë rast të konfirmuar e as të dyshuar me Covid-19.

Kryetari i Deçanit, Bashkim Ramosaj ka bërë të ditur se komuna sot ka furnizuar përsëri Qendrën Kryesore të Mjekësisë Familjare “Adem Ukëhaxhaj” me 100 palë rroba mbrojtëse shumë përdorimesh, dorëza, maska si dhe aparat për dezinfektim.

“Sot, Komuna e Deçanit përsëri furnizoi QKMF-në “Adem Ukëhaxhaj” -Deçan, me 100 palë rroba mbrojtëse shumë përdorimesh, komplet me dorëza dhe maska mbrojtëse, si dhe një aparat dezinfektues për dezinfektim të duarve për pacientë dhe personel. Falënderim të veçantë për të gjithë personelin mjekësorë!Bashkë do të dalim fitues!”, ka shkruar Ramosaj në Facebook.

Ndryshe në Deçan është duke u zbatuar gjithashtu edhe vendimi i cili është marrë për kufizim të lëvizjes në të gjitha sheshet dhe parqet në nivel vendi.

 

Shpërndaje në rrjete sociale

Lajmet më të lexuara

Të ngjashme

Foto lajm